El Correo COSTA
Iraunkortasunaren gain izango da aurtengo Gernikako Lurraren Astea
16.10.10 - 02:46 -
IRATXE ASTUI | GERNIKA.
IEUP Gazte Asanbladak, Lur Gozoak, Gernikatik Mundurak eta Galtatzagorriek, datorren astelehenean hasita eta hilaren 23ra bitartean burutuko dan IV. Lurraren Astea antolatu dabe, 'Nik zer egin dezaket iraunkortasunaren alde?' lelopean. Astean zehar ekonomia solidarioa, trantsizioan dagozen hiriak, banka etikoa, eta, besteak beste, hiri ortuak izenadun gaiei lotuta dagozan ekimen eta hitzaldiak burutuko dira herrian.
«Gure errealitatea hobetu eta eraldatu asmoz, zeintzuk dira Gernikan dagozan baliabideak, edo falta direnak, iraunkortasuna sustatzeko? Zer egin daiket nik herritar modura nire etxeko, ikastetxeko, lonjako edo lantokiko egoera birbideratzeko?», proposatuko dabe ingurumenaren aldeko astearen antolatzaileek, aurtengo edizioan.
Programari begira, asteleheneko hitzaldia desazkundearen filosofiaz eta 'Transition towns' mugimenduaz jardungo dabe, Aitor Amilibia eta Joseba Azkarraga adituek, hurrenez hurren. Berbaldia Gaztetxean izango da, 19.00etan. Martitzenean, Guggenhein-Urdaibai gaiaren ganeko mahai-ingurua antolatu dabe Elai Alai aretoan (19.00). Egitaraua eguaztenean jarraituko da, denbora bakua edo produktu ekologikoen ganeko esperientzia praktikoen solasaldiagaz, Gaztetxean be (19.00). Eguenean, bestalde, hiri ortuak izango da eguneko gai nagusia eta astea amaitzeko, Gernikako bide gorriaren diseinuaz jardungo dabe plazan (11.30) eta bizikleta martxa bat egingo da herriko kaleetan zehar (12.30).
Comentarios
Publicar un comentario
Que para que una publicación tenga legitimidad estén seguros que publicaremos los comentarios, rectificaciones, respuestas y criticas que estén escritas con respeto a las normas de cortesía habituales, aunque sean contrarios a nuestra linea de pensamiento o a alguno de nuestros colaboradores.
Por lo contrario, en caso de que se lleguen a nuestro Blogg esos comentarios ilícitos o falsedades los eliminaremos de oficio en cuanto tengamos conocimiento de los mismos, para evitar del daño que pretende causar el autor de tales comentarios.