Euskal Autonomia Erkidegoko Lurralde Busturiako Hiri-Antolamenduko Plan Orokorra dela eta.

Busturin protesta bat; Etxebizitza utsik ez¡¡

Busturiako Hiri-Antolamenduko Plan Orokorra.

Euskal Autonomia Erkidegoko Lurralde Antolamendurako Batzordeak urtarrilaren 25ean izandako 1/2019 Osoko Bilkuran, besteak beste, honako erabaki hauek hartu zituztela, aho batez, kideen gehiengo osoa eratzen zuten bertaratutakoek:

“I.- Lurralde-antolamenduaren arloan:

I- Busturiako udalerriko Hiri-antolamendurako Plan Nagusian azaldutako lurralde-eredua balioestea,
honako xedapen hauetan ezarritakoaren arabera: Lurzoruari eta Hirigintzari buruzko 2/2006 Legea; Euskal Herriko Lurralde Antolakuntzari buruzko 4/1990 Legea; eta, Autonomia Erkidegoko Erakunde Erkideen eta Lurralde Historikoetako Foru Erakundeen arteko Harremanen gaineko Legea aldatzen duen 5/1993 Legea. Lotesleak diren gaiei dagokienez, honela balioesten du

1.- INGURUNE FISIKOA. 

1a.- Lurralde Antolamenduaren Gidalerroetara egokitzea.

• - Aldeko irizpena eman zaio lurzoru urbanizaezinerako proposatutako zonifikazioari, EKZPean ezarritakoekin eta Lurralde Antolamenduaren Gidalerroen 8. kapituluan ezarritako kategoriekin bat baitatoz.
• - Proposatzen diren baldintzatzaile gainjarriek Araudian eta dokumentazio grafikoan guztiz koherenteak izan behar dute.

1b.- Urdaibaiko Biosfera Erreserbaren Erabilera eta Kudeaketa Zuzentzeko Planera (EKZP) egokitzea.

- Aldeko irizpena eman zaio Planaren egokitzeari Urdaibaiko Biosfera Erreserbaren EKZPera, Plan Orokorrean proposatzen diren zonek EKZPekoekin elkarrekikotasuna baitute.
- Dena dela, AU.11 Lekosaiz eremuak murriztu beharko ditu mugak, EKZParen mugaketara egokituz, honek zehaztutako kantauriko artadietan sartu gabe.

1c.- EAEko Erreken eta Ibaien Antolamendurako LPSera egokitzea.

• - Planak adierazi beharko du dokumentazio grafikoan eta araudian hirigintza eremuetan bete beharko diren erretiroak, EAEko Erreken eta Ibaien Antolamendurako LPSaren zehaztapenak kontuan hartuz (hiri lurzoru eta lurzoru urbanizagarria).
• - Planak adierazi beharko du gutxieneko atzerapen horiek ubideratuta ez dauden tarteetan, ohiko gehieneko ur-goraldietatik edo mugatze-lerrotik neurtuko direla, edo ubideratutako ibai-tarteetan, ubideratze-hormaren koroapenetik neurtuko direla.
• - Urez bete daitezkeen tarteei dagokienez, espedientea URA-Uraren Euskal Agentziari bidaliko zaio, horrek bere balioespena egin dezan.

1d.- EAEko Itsasertza babestu eta antolatzeko Lurralde Plan Sektorialera egokitzea.

• - EAEko Itsasertza babestu eta antolatzeko LPSari dagokionez, aldeko irizpena eman zaio espedienteari, plan horretara egokitzen baita.

1e.- EAEko Trenbide Sarearen Lurralde Plan Sektorialera egokitzea.

• - EAEko Trenbide Sarearen LPSari dagokionez, aldeko irizpena eman zaio espedienteari, plan horretara egokitzen baita. Edozein kasutan, Ekonomiaren Garapen eta Azpiegitura Sailari bidali zaio espedientea, balorazioa egiteko 

2.- AZPIEGITURAK ETA ZERBITZUAK

• - Aldeko irizpena eman zaio espedienteari, azpiegituren eta zerbitzuen sareen arloetan.
• - Dena dela, Bizkaiko Foru Aldundiko Garraio Sailari bidali zaio espedientea, balorazioa egiteko, errepideen arloan eskuduna baita.

3. EREMU LIBREAK ETA EKIPAMENDUAK.

• - Aldeko irizpena eman zaio espedienteari, ekipamenduen eta espazio libreen arloetan.
• - Dena dela, planak konpondu beharko ditu planoen arteko kontraesanak, eta hauen eta araudiaren artekoak ere bai.
• - Planak adierazi beharko du plan bereziaren bitartez garatuko den San Antonio eremuaren eraikigarritasuna.

4. BIZITOKITARAKO ETA EKONOMIA-JARDUERETARAKO KOKALEKUAK.

4a.- Bizitokien eredua eta kuantifikazioa. 

• - Bizitegirako ereduari dagokionez, espedienteari aldeko irizpena eman zaio, bizitegirako proposamen berriak indarrean dagoen planeamenduak egoitzarako kalifikatuta edo landa gune dauden lurzoruetan kokatzen baitira, edo zoru kontsumo gehiago ez dakarten lurzoru egokitze txiki batzuk baino ez direnak.
• - Aldeko irizpena ematen zaio proposatzen diren 312 etxebizitza berrien ahalmenari indarrean dauden Lurralde Antolamenduaren Gidalerroetan ezarritako ezartzean lortzen diren emaitzekin bat baitator. 
• - Espedienteak jaso beharko ditu jarduketa integratu bidez garatu beharreko egoitza eremuen eraikigarritasunak, eta parametro honek Lurzoru eta Hirigintzari buruzko 2/2006 Legearen 77 artikuluak ezartzen dituen mugen artean egon behar du.
  - Enplegu eta Gizarte Politiketako Sailari bidali zaio espedientea, Planak proposatzen dituen babestutako etxebizitzei buruzko balorazioa egiteko.

4b.- Jarduera ekonomikoetara zuzendutako lurzoruaren antolamendua eta kuantifikazioa.

- Kontrako irizpena eman zaio espedienteari jarduera ekonomikoetara zuzendutako lurzoru ereduari Ekonomia-Jardueretarako LPSa jarraiki, ekonomia- jardueretarako lurzoruaren “Garapen Txikiko” udalerria izanda, AU.23 Sakoneta proposamena udal- mugapenari dagokion lurraldearen landagune isolatuetan kokatzen delako, eta ez herriguneei lotuta, haien hirigintza-egituraren osagarri gisa.

II- Lurzoruari eta Hirigintzari buruzko 2/2006 Legearen lehenengo xedapen gehigarriko 3. puntua Batzordeari buruzkoa da, eta horrek xedatutakoaren arabera, txosten honetan aipatzen diren baldintzak sartu eta gero, espedienteak behin- betiko onespena lortu ahal izango du, Batzorde honen txosten berririk gabe.

III.- Espediente hau behin betiko onartzeko, eskumena duen organoari honako hauek egindako txostenak bidaltzea: 

1. Bizkaiko Foru Aldundiko Nekazaritzako Zuzendaritza Nagusia (I. eranskina), 
2. Natura eta Ondare eta Klima Aldaketa Zuzendaritza (II. Eranskina), 
3. Nekazaritza eta Abeltzaintza Zuzendaritza (III. eranskina); 
4. Sailburuordetza (IV. eranskina); 
5. URA. Agencia Vasca del Agua (V. eranskina); 
6. Bizkaiko Foru Aldundiko Azpiegituretarako eta Lurralde Garapenerako Zuzendaritza (VI. eranskina); 
7.  Sustapen-arlo Funtzionala (VII. eranskina) eta 
8. Euskal Trenbide Sarea (VIII. eranskina).

 Ziurtagiri honekin batera doaz txostenak.”

AIPATUTAKO TEXTOA ETA TXOSTENAK OSOAK IKUSTEKO HEMEN