Espainiako Gobernuak "datozen asteetan" emango dio Lemoizko zentral nuklearraren lurzorua Eusko Jaurlaritzari
 |
| Lemoizko zentral nuklearra, airetik. |
- Lemoizko
zentral nuklearraren instalazioetan arrain-haztegi bat egiteko interesa
dute hiru inbertsio-taldek, Arantxa Tapia Ekonomiaren Garapen eta
Lehiakortasun sailburuak baieztatu duenez. Hori egikaritzeko, baina,
Espainiako Gobernuak lur horiek eman behar dizkio Eusko Jaurlaritzari.
2018ko abenduaren 14a
Mikel Otero EH Bilduko legebiltzarkidearen galderari erantzunez, Tapiak baieztatu du interesa agertu duten inbertsore-taldeak hurrengoak direla: Noruegako bat, izokinak hazteko; Britainia Handiko holding bat, askotariko espezieak hezteko; eta talde frantziar-espainiarra, amuarrain izokinduna garatzeko proiektua egiteko.
Galdera berean, Arantxa Tapiak azaldu du oraindino ezinezkoa zaiela proiektuen ingurumen-azterketa bana egitea, lurzoruaren ematea garatu beharra dagoelako aurretik. Horren harira, aurrerapausoak eman dira, Iberdrolak eremu horren titulartasunaren uko egiteagaz joan den urrian.
María Jesús Montero Espainiako Ogasun ministroak, bere aldetik, baieztatu du zentral nuklearra hartzen duen lurzoruaren titulartasuna "datozen asteetan" Eusko Jaurlaritzarena izango dela, hori emateko tramiteak joan den urriaren 29an amaitu baitziren.
Aitor Esteban Espainiako Kongresuko EAJren bozeramaileak poz handiz hartu du iragarpen hori, eta uste du emate-prozesu hori "otsailean" amaituko dela. Era berean, gogorarazi du Lakuako Gobernuari "mugimendu bat" egitea dagokion arren, emate hori Mariano Rajoyren eta Pedro Sanchezen gobernuakaz adostu zela.
Comentarios
Publicar un comentario
Que para que una publicación tenga legitimidad estén seguros que publicaremos los comentarios, rectificaciones, respuestas y criticas que estén escritas con respeto a las normas de cortesía habituales, aunque sean contrarios a nuestra linea de pensamiento o a alguno de nuestros colaboradores.
Por lo contrario, en caso de que se lleguen a nuestro Blogg esos comentarios ilícitos o falsedades los eliminaremos de oficio en cuanto tengamos conocimiento de los mismos, para evitar del daño que pretende causar el autor de tales comentarios.