Busturialdeko alkate guztiek Ibarrangeluko Arketa kanpina babestu dute
 |
| Kanpin iraunkorraren proiektua begiratzen |
Espainiako Ingurumen, Elikadura eta Nekazaritza Ministerioak kanpinak betetzen dituen lurren desafekzioa eskatzeko erabakiaren aurrean, Busturialdeko herri guztietako udal ordezkariek agerraldia egin dute Arketan bertan, azpiegitura ekonomiko horren aldeko jarrera adierazteko. Ibarrangeluko udalbatzari, Arketa kanpineko langileei eta biztanlego osoari elkartasuna adierazi diete Busturialdeko alkate guztiek. Halaber, Arketan kanpin iraunkor bat egiteko Ibarrangeluko Udalak daukan egitasmoa txalotu dute, proiektuari bere babesa emanez. Azpiegitura hori “guztiz beharrezko” ikusten dute, besteak beste, eskualderako zerbitzuak emateko eta lanpostuak mantentzeko.
Elantxobeko, Eako, Ereñoko, Nabarnizko, Sukarrietako, Kortezubiko, Arratzuko, Mendatako, Ajangizko, Gernika-Lumoko, Muxikako, Errigoitiko, Morgako, Foruko, Muruetako, Busturiko, Mundakako, Bermeoko ordezkariekin batera, Ibarrangeluko alkatea izan zen denek adostutako manifestua aurkezteko agerraldian. Eskualdeko herrietako hainbat bizilagun ere bildu ziren Arketan.
Espainiako Auzitegi Gorenaren 2010eko otsailaren 17ko sententziak agintzen du Arketako udal kanpineko instalazioak eraitsi behar direla eta lursaila hasierako egoerara itzuli behar dela. Sententzia horrek ondorio sozial larriak erakarriko lituzkeela argudiatu dute eskualdeko alkateek, epaiaren aurka egiteko. Izan ere, Ibarrangeluko eta inguruko beste herri batzuetako hainbat familiaren diru sarrerak kanpinetik eratortzen direla nabarmendu dute alkateek. Zehaztu dute guztien artean adostutako manifestua osatzerakoan ardatz izan dituztela biodibertsitatearen eta ingurumenaren babesa eta Urdaibaiko Erreserbaren garapen iraunkorraren alde egitea.
-
- Alkateen agerraldia
-
- Alkateen agerraldia
-
- Alkateen agerraldia
-
- Arketa kanpina
-
- Arketa kanpina
-
- Arketa kanpina
-
- Arketa kanpina
-
- Arketa kanpina
-
- Arketa kanpina
-
- Kanpin iraunkorraren proiektua
-
- Kanpin iraunkorraren proiektua
-
- Kanpin iraunkorraren proiektua
-
- Kanpin iraunkorraren proiektua
Comentarios
Publicar un comentario
Que para que una publicación tenga legitimidad estén seguros que publicaremos los comentarios, rectificaciones, respuestas y criticas que estén escritas con respeto a las normas de cortesía habituales, aunque sean contrarios a nuestra linea de pensamiento o a alguno de nuestros colaboradores.
Por lo contrario, en caso de que se lleguen a nuestro Blogg esos comentarios ilícitos o falsedades los eliminaremos de oficio en cuanto tengamos conocimiento de los mismos, para evitar del daño que pretende causar el autor de tales comentarios.