Auzoarteko Herri Kandidaturak zigor penala eskatzen du Axpe 22ko obren erantzulearentzat. Auzoartekok obrak «ilegalak» direla behin eta berriz salatu du Busturiko udaletxean, eta Arartekoarengana ere jo dute. Ainhoa Barrena Auzoartekoko zinegotziaren esanetan, «eraikina ahal baino altuagoa egiten ari dira, hain zuzen, legeak onartzen duena baino 0,92 zentrimetro gehiago hartzen ditu». Obrak gelditzea eskatu dute hainbat aldiz, baina ez dute lortu. «Horrenbeste salaketa administratibo jarri ostean, ikusita ez digutela kasurik egin eta gaia benetan larria dela, tribunaletara joko dugu. Dagoeneko eman diogu ordena abokatuari obren erantzulearen aurka salaketa penala jartzeko».
Axpe 22an egiten ari diren etxebizitzak direla eta, Auzoartekoko kideek hainbat arrazoi eman dituzte «ilegalak» direla salatzeko. «Legean oinarrituta, eraikinaren eta ondoko guneen artean egon beharreko muga ez dute errespetatzen. Errepideen jabetza publikoa ere ez da errespetatzen».
Dokumentazio falta dagoela ere salatzen dute, eta eraikitzeko ezarrita dagoen gehienezko altuera errespetatzen ez dela diote. «Obrako garabia ere lizentzia barik dabil», gaineratu du Auzoartekoko zinegotziak.
Udalaren erantzuna
Abuztuan jarri zuten lehenengo salaketa formala. Ordutik hainbat akusazio egin dituzte, baina obrek aurrera jarraitzen dute. «Alkateak esan zigun ez duela salaketarik erantzungo», azaldu du Ainhoa Barrena Auzoarteko Herri Kandidaturako zinegotziak.Orain bide penala hartu dute Auzoarteko Herri Ekimenekoek etxebizitzen inguruan «dauden irregulartasunak» salatzeko. Euren ustez, «lotsagabekeriaz» ari dira. Auzoartekoz gain, zenbait banakok ere salaketak jarri dituzte.
Comentarios
Publicar un comentario
Que para que una publicación tenga legitimidad estén seguros que publicaremos los comentarios, rectificaciones, respuestas y criticas que estén escritas con respeto a las normas de cortesía habituales, aunque sean contrarios a nuestra linea de pensamiento o a alguno de nuestros colaboradores.
Por lo contrario, en caso de que se lleguen a nuestro Blogg esos comentarios ilícitos o falsedades los eliminaremos de oficio en cuanto tengamos conocimiento de los mismos, para evitar del daño que pretende causar el autor de tales comentarios.